Gitohoang gisuwayan sa pagsunog kaganinang kadlawon ang Infinity KTV and Music Lounge diha sa Archbishop Reyes Avenue sa syudad sa Sugbu .
Matud sa usa ka guwardiya nga naka-assign dool sa maong establisamento gidool siya ug duha ka lalaki nga nanaug gikan sa gray nga van nga nagbonnet ug nikuha sa iyang armas .
Human niini nikayo na ang atop sa Infinity Bar apan dali ra usab nga namatikdan sa pipila ka empleyado sa establisamento ug ilang gipawong ang kayo gamit ang fire extinguisher .
Nakuha sa mga sakop sa kabomberohan sa dakbayan sa Sugbu nga nitubag usab sa alarma ang usa ka container , plastik nga botilya sa soft drink ug tubig nga dunay sud nga gasolina.
Ang maong KTV bar gipanag-iya sa managsoong Peter ug Wellington Lim.
Kung kahinumduman niadtong Marso karong tuiga , giambush usab si Wellington samtang padung na kining niya sa establisamento , nga niresulta sa pagkapagan sa usa ka guwardiya ug nakalas gyud .
Padayong gisusi karon sa kabomberohan ang posibilidad nga adunay ” arson” o suway nga pagsunog sa maong establisamento,.
