Roxas City, Capiz- Aminado si Confederation of Grains Retailers Association of the Philippines, Inc. (GRECON) Roxas City Chapter President Edilberto Cambi nga nagnubo ang supply sang NFA Rice sa Capiz sa bulan sang Agosto gani naggamay man ang limit nga pwede mabakal sang publiko.
Kon mahibaluan nga halin sa lima ka kilo nga limit nga pwede mabakal sang isa ka persona, ini ang nagnubo halin sa duha tubtob tatlo ka kilo na lamang sa subong.
Suno pa kay Cambi nga sa subong naglab-ot na gid lamang sa lima ka sako ang sarang mapaguwa sang isa ka accredited retailer sa Teodoro Arcenas Trade Center(TATC) sa sulod sang isa ka adlaw.
Samtang aminado naman ang mga nagabakal sang NFA rice sa TATC nga ila na lang ginatiis ang malaba nga pila agud gid lamang makabakal sang barato nga bugas.
Kon mahibaluan nga sarang mabakal sa 27 pesos ang bili sang amo nga bugas tagsa ka kilo.
Panuaron pa sang pila ka mga nagabakal sang NFA Rice nga indi bale nga duha gid lamang nga tilig-angon ang isa ka kilo basta nga makabakal sila sang barato nga bugas.
