Davao City – Wala na makaagwanta pa ang usa ka bana sa kamangtas sa iyang asawa ug nagpatabang na kini sa kuwerpo sa kapulisan.
Sumala sa kulatado nga bana nga si alyas Glenn, hamtong ang pangedaron, ug nagpuyo sa Doña Asuncion, nga dili na niya maantos pa ang pagpamun-og nga gihimo sa iyang asawa nga si alyas Michelle kaniya.
Segun ni alyas Glenn, upat ka tuig nahimo siyang ‘battered husband’ apan iya lamang kini gi-agwanta tungod sa gugma ug sa duha nila ka mga anak.
Tug-an ni Glenn nga daw sama siya sa suso higayon kulatahon siya sa iyang asawa hilabi na mutukar ang sakit niini nga IED kun Intermitent Explosive Disorder.
Dugang niini, magkadugo ang iyang lawas tungod sa bun-og ug kambras sa iyang nawong ug ubang parte sa lawas apan bisan paman niini napasylo gihapon niya ang iyang asawa sulod sa upat ka tuig.
Apan ang pasensiya sa battered husband misagad na matud sa kawanangan dihang lakip ang duha niya ka mga anak gidala sa iyang asawa pauli didto sa Tandag City, Surigao del Sur.
Saysay sa bana nga wala apil sa agremento sa ilang legal nga pagseparar nga dad-on lakip ang ilang mga anak hinungdan midangkop kini sa Sasa PNP aron matabangan ang maong bana nga makuha pag-usab ang kustodiya sa mga bata gikan sa mangtas niyang asawa.
RadyoMaN Joel Viray
