Manilla, Philippines – Arestado ang apat na tao sa ikinasang buy-bust operation sa Barangay Nagkaisang Nayon, Novaliches, Quezon.
Nakuha sa mga suspek na kinabibilangan ng tatlong babae ang nasa 25 gramo ng shabu na may street value na P125,000.
Ayon kay Quezon City Police District (QCPD) Director Chief Superintendent Joselito Esquivel, miyembro ang mga nahuling suspek ng isang drug group.
Aniya, una nang naaresto ang kanilang lider at ilan pa nilang kasamahan noong 2016.
Mahaharap sila sa kasong paglabag sa Republic Act 9165 o Comprehensive Dangerous Drugs Act of 2002.
Facebook Comments
