Quezon City – Arestado ang ilang miyembro ng grupong sangkot sa serye ng robbery hold-up sa mga car wash at restaurant sa Quezon City.
Sa ulat, sinalakay ng mga otoridad ang pinagtataguan ng mga suspek sa Maynila kung saan nakilala ang ilan sa mga nadakip na sina Jeffrey Flores, King Joson, Mark Anthony Labandrito, James Carl Mecina at Danju San Diego.
Ayon kay NCRPO Chief Superintendent Guillermo Eleazar, natunton nila ang kinaroroonan ang mga suspek dahil sa GPS tracker ng cellphone na tinangay nila mula sa isang customer ng carwash shop.
Narekober mula sa mga suspek ang isang bag na puno ng mga cellphone, baril at mga bala.
Patuloy naman pinaghahanap ng mga pulis ang dalawa pang kasamahan ng mga suspek.
Facebook Comments
