Cavite – Arestado ang isang Pilipino at kasama nitong Nigerian national sa ikinasang buy bust operation sa Bacoor, Cavite.
Nakilala ang mga nadakip na sina Jayson Maligawa at ang Nigerian na si Stanley Chukwuemeka.
Ayon sa Philippine Drug Enforcement Agency (PDEA), itinago pa ng mga suspek ang 500 gramo ng Shabu na nagkakahalaga ng 2.5 milyon pesos sa side mirror ng kanilang sasakyan nang palibutan na sila ng mga otoridad.
Sa ngayon, kasalukuyan nang nakakulong ang mga suspek at inaalam na kung sino ang source nito pati na ang kanilang mga kasabwat.
Facebook Comments
