Laguna – Arestado ang puganteng Norwegian national na wanted sa Oslo, Norway dahil sa pagpatay sa kanyang sariling kapatid dalawang taon na ang nakaraan.
Kinilala ang suspek na si Helge Stensland, 52-anyos na naaresto ng Fugitive Search Unit (FSU) sa kanyang tirahan sa Sta. Cruz, Laguna.
Si Stensland ay hinahanap ng mga otoridad sa Hellvik sa Norway matapos nitong patayin ang kaniyang kapatid na si Audun noong Oktubre 16, 2016 kung saan nagtago ito sa bansa noon pang Abril 11 matapos sintensiyahan ng pitong taong pagkakabilanggo sa kanilang bansa.
Sa ngayon ay pansamantalang nakaditine na ang suspek sa BI Detention Facility sa Taguig City at nakatakda na din itong ipa-deport pabalik ng kanilang bansa.
Facebook Comments
