Manila, Philippines – Arestado ang tatlong tao kabilang ang isang babae sa ikinasang buy-bust operation ng mga pulis sa Barangay Sauyo, Novaliches, Quezon City.
Nakilala ang mga nadakip na suspek na sina Poyet Miras, Alexander Martinez at Aida Martinez.
Sa ulat, agad na kinorner at inaresto ang tatlo matapos na makabili ng P500.00 na halaga ng shabu ang isang pulis.
Nakuha pa sa pag-iingat ng tatlo ang nasa P65,000.00 na halaga ng shabu at mga drug paraphernalia kung saan todo tanggi si Aida sa paratang at sinabing pumunta lamang siya sa lugar para magpa-load ng number nito sa kaniyang cellphone.
Facebook Comments
