Gi- presenta kagahapon sa militar, pinaagi sa 4th Mechanized Infantry Battalion, Philippine Army, ngadto kang Mayor Celso Regencia ang tulo ka mga sakop sa armadong grupo sa Lumad sa Barangay Rogongon nga gitawag og Rogongon Lumad Armed Group.
Kini human misurender ngadto sa militar sila siRanny Salusad alyas Kumander Ambong ug duha sa iyang mga sakop nga sila si Carding Masi alyas Masi ug Bina Salacub alyas Benladen.
Gi-angkon ni Kumander Ambong nga 22 ka tuig na ang ilang grupo nga namugna aron suklan ang lainggrupo kaniadto sa nga midaug-daug kanila sama sa pagpanakit kanila ug pag-ilog sa ilang mga produkto sa uma.
Miingon si Ambong nga migunit sila og armas apan wala sila makig-away sa puwersa sa gobyerno. Apan bisan paman nga wala sila makig-away sa gobyerno,nagtago sila tungod sa ilang gitagoan nga mga armas.
Hinungdan sa ilang pagsurender tungod kay ilang nakit-an, matud pa, nga mas kasaligan na karon angmga sundalo.
Tungod niini, gidawat ni Mayor Regencia ang interes sa tulo nga motahan sa ilang kaugalingon ug gitunol ang tag- kinse mil pesos nga cash aron ilang magamit sa ilang pagpanginabuhi nga subay sa balaod.
| | Virus-free. www.avast.com |
