Makita sa video nga midiretso og bangga sa center island ang usa ka Suzuki raider, color block, adunay plate number 232 ZGB, gipanag-iyahan ni Roger Castillo ug gimaniho ni Ariel Pelegro, 28 anyos, taga Monkayo, Davao De Oro.
Giingong nalagpot sa dalan ug nabangaan sa truck ug naguyod og 15 metros ang biktima sa truck nga nakarehistro sa Logistics Corporation ug gimaniho ni Francisco Alagdon, 39 anyos, minyo, taga-General Santos City.
Giingong pareho paingon sa kasadpang bahin ang biktima ug ang truck dihang nahitabo ang disgrasya atbang sa Davao International Airport sa CP Garcia Highway, Barangay Communal, Buhangin District, Davao City.
Gideklara sa Central 911 Medic Team, ang biktima nga patay na tungod sa kusog nga impact sa pagkabangga.
Hinoon, nagkasinabot na ang kompanya ug ang pamilya sa rider nga dili na sila mokaso, basta abagahon ang galastohana sa namatay, gawas nga ihatag tanan sa kabanay ang makuha nga insurance. Mitunol og P30,000 isip pasihiunang hatag sa kommpanya sa kabanay sa biktima.
Alayon niini, gibuhian ang driver sa truck gikan sa kustodiya sa Buhangin Police Station kagabii.
RadyoMaN Joel Viray
