Roxas City, Capiz – Ginkumpirmar sang commanding officer sang 61st Infantry Batallion sang Philippine Army nga si Lt. Col Sisenando Magbalot Jr nga may yara sang grupo sang terorista nga New Peoples Army(NPA) nga nagahulag agud nga magpanghatag sang extortion letters sa mga kandidato nga nagapadalagan sa subong nga eleksyon.
Suno diri nga pila sa mga nakabaton amo ang mga nagapapili bilang Sanggunian Bayan member kag mga alkalde sa mga kabanwahanan.
Samtang may kasubong man nga mga report nga nabaton ang Police Regional Office 6 kabangdanan nga nagkasa na sila sang serye sang entrapment operation agud nga madakpan ang grupo sang NPA nga nagapanghatag sang extortion letter sa mga kandidato.
Kadungan sini, ginpanugyan ni Magbalot sa mga kandidato nga makabaton sang kasubong nga extortion letter nga likawan ang paghatag sang bayad para sa permit to campaign sa mga NPA. Suno diri nga makapaayo nga makig-angut ang mga ini sa mga otoridad agud nga matapna na ang nasambitan nga boluhaton sang terorista nga grupo.
photo © RMN Iloilo
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
