KUMPIRMADO NGA TAGA-SARA | OFW nga nasapwan sa sulod sang freezer sa Kuwait, kumpirmado nga taga-Sara, Iloilo

547

Kumpirmado nga taga-banwa sang Sara, Iloilo ang OFW nga nasapwan sa freezer didto sa Kuwait.

Ginkumpirmar ni barangay kagawad Maybelle Cordero sang barangay Ferrariz, Sara, Iloilo nga tumandok sang ila barangay ang biktima nga si Joanna Daniella Demafelis.

Suno kay Cordero nga nagpadulong na sa ila lugar ang mga taga-OWWA agud mag-coordinate angut sa gindangatan sang biktima.

Base sa data sang Philippine Overseas Labor Office, ginpadala sa Kuwait si Demafelis sadtong Mayo 18, 2014 kon sa diin ang iya nangin amo ang isa ka Lebanese nga may asawa nga Syrian.

Suno pa sa report nga nagbiya sa kuwait ang mag-asawa sadto pang 2016.

Sang nakaligad lamang nga Martes, nasapwan sa sulod sang freezer ang bangkay ni Demafelis sa isa ka abandonado nga apartment nga gina-istaran sang iya mga amo.

Samtang, nasiguro sang pamilya Demafelis sang barangay ferrariz, Sara, Iloilo nga si Joanna Daniella Demafelis ang bangkay nga nakita sa sulod sang freezer sa Kuwait.

Ginpahayag ni barangay kagawad Pablo Demafelis sang nasambit nga barangay nga nasigurado nila nga iya hinablos ang nasapwan sa freezer matapos makita sa television ang picture sang biktima.

Facebook Comments