Kumpirmadong kaso sa COVID-19 sa Manolo Fortich, Bukidnon usa ka frontliner

Gikumpirma sa Local Inter-Agency Task Force on COVID-19 sa lungsod sa Manolo Fortich ang unang kaso sa COVID-19 sa mao nga lungsod.

Ang nagpositibo sa swab test sa COVID-19, usa ka 45 anyos nga lalaki, municipal health worker sa mao nga lungsod nga taga- Barangay Sto NiƱo.

Subay niini, gipatuman gilayon ang lockdown sa Barangay Sto. Nino sa Manolo Fortich sugod niadtong May0 25 hangtod Mayo 27 ning tuiga ug temporaryong gipasira ang Municipal Health Office alang sa disinfection procedure.


Subay sa Executive Order number 2020-29 ni Manolo Fortich Mayor Clive Quino, ipa-ilawom usab ang Brgy. Sto. NiƱo sa estriktong pagpa-implementar sa General Community Quarantine nga nakalatid sa Resoultion No. 02-2020 nga gimugna sa Local Inter- Agency Task Force sugod Mayo 28 hangtud Hunyo 11, 2020.

Gipahayag usab ni DOH-10 Regional Director Adriano Subaan atol sa NorMin COVID-19 Response Task Force Press Conference kagahapon nga ang nagpositibo sa COVID-19 sa Bukidnon usa ka 45 anyos nga lalaki, nga usa ka health worker.

Sa karon kamulo pa ang contact tracing ug apil na ang pag verify sa iyang history of exposure.

Sa kasamtangan gipailawom kini sa hugot nga quarantine sa usa ka isolation facility sa probinsya sa Bukidnon ug nagpabilin kining asymptomatic.

Gidugang pa niya kini na ang ikaduhang health worker sa region 10 nga nagkumpirmado sa coronavirus.

Facebook Comments