KUMPIRMADONG KASO SA COVID-19 SA MARAWI CITY, LANAO DEL SUR, PADAYONG NAGKA-UBOS… APMC CHIEF, MIHANGYO SA KATAWHAN NGA DILI MOKUMPIYANSA

75

Tungod sa padayon nga pag-ubos sa ihap sa kumpirmadong kaso sa COVID-19 sa Marawi City ug Lanao del Sur, nag-awhag sa publiko ang pamunuan sa Amai Pakpak Medical Center sa Marawi City, nga dili mokumpiyansa ug ipadayon lang ang pagsunod sa standard health protocols batok sa coronavirus.
 
Sa report sa Integrated Provincial Health Office (IPHO) sa Lanao del Sur, anaa nalang sa 17 ang aktibong kaso ug niadtong Nobyembre 22, walay natalang bag-o. Sa 1,056 ka mga nag-positibo sugod pa niadtong Marso, anaa na sa 997 ang naka-recover ug 42 ang namatay.  
Sa APMC, miingon si Dr. Shalimar Rakiin, ang chief of hospital, siyam lang ang natalang positibong kaso kagahapon, Nobyembre 23, kung ikumpara sa 72 nga kaso sa nakalabay’ng bulan sa susamang adlaw.  
Matud pa ni Rakiin, ang report kagahapon usa ka ebidensiya nga nag-flattened na ang curve sa kaso sa COVID sa probinsiya sugod pa niadtong nakalabay’ng bulan sa Oktubre nga anaa kini ilawom sa Modified Enhanced Community Quarantine (MECQ).  
Apan, tungod sa pagpailawom na karon sa probinsiya sa general community quarantine (GCQ), nabalaka si Rakiin nga mobalik pag-usab og taas ang kaso sa COVID-19 sa ilang dapit.  
Dili, matud pa, mapugngan ang mga social gatherings sama sa housewarming, kasal, Dialaga o bunyag, tibao o vigil, batch ug family reunions, birthday celebrations ug out of town nga biyahe kauban ang mga higala ug pamilya.  
Miingon si Rakiin nga ang community transmission kasagaran makuha sa mga social gatherings nga dili na ma-obserba ang social distancing.  
Apan bisan paman, giklaro ni Rakiin, nga nangandam na ang APMC kun ugaling mahitabo ang pagsaka og usab sa mga kumpirmadong kaso sa coronavirus sa Lanao del Sur ug Marawi City. (Divina M. Suson, November 24)

Facebook Comments