Kini human nga gikumpirma sa sa Department of Health (DOH) nga adunay 4 ka kumpirmadong kaso sa Mycoplasma Pneumoniae o ‘walking pneumonia’ ang nalakip sa mga reported influenza-like-illnesses sa Pilipinas as of November 25, 2023.
Sa pakighinabi sa DXDC RMN Davao sa dabawenyang si Isabel Liwag, ulahi na ang kumpirmasyon sa DOH tungod niadtong Agosto ug September pa nabati na ang maong sakit partikular sa mga bata.
Gikatingad-an usab niya nganong anha pa gipagawas sa Pilipinas ang maong balita sa dihang nagkumpirma ang China og daghang kaso sa walking pneumonia.
Hinuon, una nang giklaro sa DOH nga walay outbreak ang maong sakit sa nasud.
Matud pa nga kung ang ubo mulungtad na sa duha ngadto sa upat ka semana, posible kining walking pneumonia.
Awhag kanunay sa DOH nga kung aduna nay kadudahang gipamati sa kalasawan, pagpakonsulta na sa pinakaduol nga health center. Kanunay magsuot og face masks ug dili kalimtan ang cough etiquette ug proper hygiene.
RadyoMaN Ivy Parido
