Davao City – Gawas sa kasong double murder, posibleng madungangan pa ang kaso nga atubangon sa suspek sa pagpatay sa 11 ug 15 anyos nga magsuong babayi sa Sta.Cruz, Davao del Sur.
Sa interbyu sa DXDC RMN Davao kang Police Lieutenant Colonel Kristopher Sabsal, Acting Chief of Police sa Sta. Cruz Municipal Police Station (MPS), gibutyag niini nga nagapaabot na lamang sila sa interpretasyon sa resulta sa gipahigayon nga otopsiya.
“Ang autopsy report, na-submit na nato sa piskal. Siguro mag-coordinate nalang sa piskal ug sa medico legal officer, sila na ang magkuan unsa ilang.. kung naay probable cause nga na-rape ang duha ka biktima, pwede nato ihabol ang kaso,” sulti ni Sabsal.
Kahinumduman nga nagpositibo usab sa droga ang suspek atol sa test nga gihimo sa Provincial Crime Laboratory sa Kidapawan City human nakuhaan usab sa gituohang shabu ug improvised homemade pistol.
RadyoMaN Kirby Manzon
Facebook Comments
