Davao City – Arestado ang dalawang lalaki matapos mahulihan ng bulto-bultong pinatuyong dahon ng marijuana habang papasok sa Davao City.
Nakilalang ang mga suspek na pawang mga estudyante na sina Sho Komi, 21-anyos, at Elesio Esguerra, 20-anyos.
Naharang ang dalawa sa checkpoint ng Task Force Davao kung sana nakuha sa kanilang sasakyan ang 13 bulto ng marijuana.
Napag-alaman na nagmula pa ang mga marijuana sa Badas, Mati City, Davao Oriental at nakatakda sanang i-deliver sa Buhangin, Davao City.
Tahimik naman ang dalawang suspek na pangalanan kung sino ang kanilang supplier at kung sinu-sino din ang kanilang mga kasabwat.
Facebook Comments
