Kurapsyon, kagubot, kapobrehon angay tutokan sa katapusang tuig ni PRRD

18

Davao City – Naglaum ang Talikala Incorporated nga mas mahatagan og pagtagad sa kasamtangan administrasyon ang mga problema nga padayong gina-atubang sa nasud.

Sa interbyu sa DXDC RMN Davao kang Jeanette Ampog, Executive Director sa Talikala-Davao, naglaum kini nga masolusyonan ni Presidente Rodrigo Duterte sa iyang nahibiling panahon isip pangulo sa nasud, ang mga problema sama sa kurapsyon, kagubot ug kapobrehon nga padayong giatubang karon sa katawhang Pilipino.


“Unta mas matutokan ‘tong gina ingon niya (Presidente Duterte) nga kurapsyon ug matutokan gyud niya tinuod ‘tong root cause ng kagubot, kanang kapobrehon. Unta ma-live up niya ang kadto nga panglantaw labi na karon kay last year niya. I wish him the best sa iyahang last year,” sulti ni Ampog.

Sa State of Nation Address (SONA) ni Presidente Duterte karong adlawa (July 26, 2021) gawas sa pagpahibalo sa kalampusan sa administrasyon, nanghinaut ang Talikala Incorporated nga mahatagan og long-term solution ang problema sa katawhan ilabi na gyud sa response batok Coronavirus Disease 2019 (COVID-19) pandemic.

RadyoMaN Kirby Manzon

Facebook Comments