ILOILO City – Nagaplano ang Iloilo City Community College (ICCC) nga magbukas sang apat ka tuig nga kurso angut sa Disaster Risk Reduction and Management ukon DRRM sa masunod nga school year.
Suno kay mayor Jose Espinosa III ini nga kurso makabulig sa pagpabakod pa sang DRRM initiatives sang syudad.
Ginpahayag naman ni Espinosa nga ginakalangkagan na nila ang pagpatuman sini nga kurso bangud indi mapaktan ang nagakatabu sa atun palibot.
Nahibaluan nga nakigsapol na si ICCC Administrator Mathilde Octavio kag tiglawas sang Commission on Higher Education, academe, kag national government agencies agud mahambalan kag madihon na ang curriculum.
Ginsiling ni Octavio nga ti-on na nga magdugang sang kurso ang ICCC matapos una ini nga nagbukas anom ka tuig na ang nakaligad.
Photo from web
