Kusinero sang South Cotabato Provincial Jail, dakpan sa buy-bust operation.

32

Arestado ang kusinero sang South Cotabato Rehabilitation and Detention Center sa ginpatigayon nga drug buy-bust operation sang gintingob nga pwersa sang Koronadal CPS, City Police Drug Enforcement Unit (CPDEU), 1201st MC RMFB 12, 1205th MC RMFB 12, 1st PMFC-SCPPO, PDEA-SCPO, PIU-SCPPO kag PPDEU-SCPPO sa Purok Callejo Brgy. General Paulino Santos (Bo.1), Koronadal City, alas 7:30 kahapon sang aga, Hulyo 29, 2021. Ginkilala ang suspek kay Dexter Rimando Imperial, alias Dexter, 43 –anyos, residente sang Imperial Street, Brgy. General Paulino Santos (Bo.1), Koronadal City kag ginakabig nga High Value Individual- HVI. Nakuha sa operasyon ang 1 ka small heat sealed transparent plastic sachet sang ginapatihan shabu bilang poseur item, may kabug-aton nga more or less 0.07 gram kag nagakantidad sang P 500.00. Samtang, nakuha man sa posisyon sang suspek ang 1 ka big heat sealed transparent plastic sachet nga may unod nga shabu, may kabug-aton nga more or less 5 grams kag nagakantidad sang P 34,000.00, 1 ka unit sang Honda XRM 125 Motorcycle nga ginagamit suno pa sang suspek sa pagtransort sang sang illegal drugs kag P500.00 marked money . Kaso naman nga pagbayolar sa Article II, Section 5 kag 11 sang RA 9165 ang ipasaka batok sa suspek.

Facebook Comments