Kusinero ug duha ka lalaki nakuhaa’g shabu ug armas

72

Davao City – Sikop sa buy bust operation sa Bunawan PNP, ang usa ka kusinero nga si Ernesto Jamero Rome, alias Taba, 39 anyos, residente sa South San Juan, Brgy. Centro, Agdao, Davao City.

Sumala pa napalitan sa kapolisan, ang suspek ug usa ka sachet sa shabu kambiyo ang P500.00 nga buy bust money sa mga awtoridad nga miresulta sa pagkaaresto niini.


Samtang naharang usab sa check point sa Task Force Davao sa Licanan, Lasang, Bunawan ning syudad, ang duha ka suspek nga sila Aljhon Escobido, 26 anyos, taga-Purok 1-B Mesaoy, New Corella, Davao Del Norte ug Wendelle Rapal, 36 anyos, residenti sa Purok 1 San Agustin, Poblacion, Davao De Oro.

Sa gihimong inspeksyon sa mga sakop sa kapolisan ug Task Force Davao nakuhaan kini og duha ka paketeng shabu ug nakuha usab sa posisyon ni Escobido ang .45 kalibreng pistola hinungdang gipang-aresto ug gidetinar sa Bunawan Police Station.

Kalapasan sa RA 9165 (Comprehensive Dangerous Drugs Act of 2002) ug Illegal Possession of Firearms and ammunition ang i-kaso sa mga dinakpan.

RadyoMan Don Pulayao

Facebook Comments