Davao City – Makapatindog balahibo, kahadlok ug kaguol ang gibati sa mga dabawenyo human nabasahan ang facebook post sa usa ka Daniel Delez.
Sa post sa usa ka Delez niadtong October 15, 2019, nagdamgo kini nga linugon ang Davao diin sa iyang eksakto nga post:
“YAYANIGIN SILA NG 9.1 MAGNITUDE! I saw these words & numbers in my Dream. BE PREPARED TOKYO (JAPAN) & DAVAO (PHILIPPINES).”
Sa reaksyon sa mga dabawenyo, gikahadlukan nila kini sama sa usa ka Leyn Daniel nga miingong nahitabo matud pa ang giingong prediksyon gani dunay uban nga mituo, duna usab uban nag-ingon nga gi-edit lang sa facebook ang petsa sa post ug giliba ra ang publiko.
Bisan pa man niini, pahinumdom sa otoridad sama sa PHIVOLCS ug City Disaster Risk Reduction and Management Council kun CDRRMC ngadto sa publiko nga dili gayud matagna ang linog og kanus-a mahitabo busa kanunay nilang ginasulti nga mangandam ug hinumduman ang unsay angay buhaton panahon sa kalamidad.
Kahinumduman nga gitay-ug ang Davao region og magnitude 6.3 linog bandang alas 7:30 kagabii diin dunay natalang mga patay, samdan, ug damyos samtang magnitude 5.3 sa Davao Occidental ug magnitude 5.2 sa Davao Oriental ang nasinati usab nga pagtay-ug karong adlawa.
RadyoMaN Renz Barbarona
