Davao City – Karon na ang panahon aron mopadayag ug kaisog ang Pilipinas kabahin sa padayong pagpangabuso ngadto sa mga Overseas Filipino Workers (OFW) sa tungang sidlakan ilabina sa Kuwait.
Sumala ni kanhi Gabriela Partylist representative ug karon Department of Social Welfare and Development (DSWD) Undersecretary Luz Ilagan, ila na kining gisugyot sa kongreso nga magpatuman ug order nga dili na magpadala ug mga trabahanteng Pilipino sa mga lugar nga daghang abuso ilabina sa mga kababainhan.
Matud ni Ilagan ilang gibisita ang mga lugar nga daghang abuso sa mga Pinoy nga trabahante sama sa Kuwait, Riyadh, Dubai ug Abu Dhabi.
Tungod niini ilang gisugyot kaniadto nga dili una magpadala og mga trabahanteng Pinoy sa mga lugar nga delikado ingon man ang paghikyad sa usaka ‘Memorandum of Agreement’ apan wala kini mahinayon.
Tungod niini gisugyot sa kanhi Gabriela partylist representative nga mangita ug alternatibong kapanginabuhian ang Pilipinas aron did-an na nato ang pagpadala ug mga Pilipinong trabahante sa mga nasud nga grabe ang abuso.
RadyoMaN Bernard Pantallon
