Davao City-Perting hilak sa usa ka buntis sa dihang naapil ang iyang balay sa sunog nga nahitabo sa Upper Arroyo Compound, Matina Pangi, Davao City pasado alas 7:30 kaganinang buntag.
Sumala sa biktima nga giilang si Evelyn Pacala, naugdaw ang iyang balay lakip na ang iyang kwarta nga gi-withdraw alang sa iyang pagpanganak diin matud pa mokabat sa 100,000 pesos ang iyang gi-andam.
Sumala kang Special Fire Officer 1 Dexter Avendiano, ang balay ni Pacala ang pinakadako nga nadamyos sa tanang upat ka mga balay nga gideklarang totally damage samtang unom ang partially damage sa nahitabong sunog sa nasangpit nga lugar.
Dugang ni Avendiano, mokabat sa kapin kun kulang usa ka milyon ang nadamyos.
Gituhoang nagsugod ang kalayo sa abuhan sa balay ni Gary Decatoria apan padayon pa ang imbestigasyon sa Bureau of Fire Protection kun BFP-Davao sa nahitabong insidente.
Kasamang Renelyn Barbarona
