Sa usa ka media conference niadtong July 10, 2024, gibutyag ni Atty. Archie Albao, ang Regional Director sa NBI XI nga sagad niini late registration ug ‘falsified’ o himo-himo lang ang impormasyon.
Matud pa nga pipila sa Chinese nga giimbestigahan posibleng adunay kalambigitan sa illegal nga Philippine Offshore Gaming Operators (POGO) sa Luzon.
Samtang sa samang adlawa, gipresenta usab sa NBI XI ngadto sa media ang naarestong 21 anyos nga Chinese National nga mi-apply og passport sa Department of Foreign Affairs (DFA) gamit ang pekeng dokumento.
Gitakdang muatubang sa kasong Falsification of Public Documents, Perjury, Violation of New Philippine Passport Act ug Concealment of True Name ang maong dinakpan samtang padayon usab ang imbestigasyon ngadto sa ubang Chinese nationals.
