Kwidaw sa refund: Pagaran

42

Davao City – Malagmit nga hangtud pasalig lamang ang mahimo sa mga investment schemes ug dili gayod mahitabo nga mabalik pa ang entero kapital ngadto sa ilang mga agrabyadong investors.

Kini human hingpit nang gituman sa Rigen Wellness Marketing ang saad nga refund nga dugay nang gipaabot sa ilang mga investors apan wala na ang unang gibandilyo kun gipasalig nga dakung return of investment kun ROI.


Sumala ni social rights advocate Jess Pagaran, ‘suntok sa buwan’ kun makuha pa sa mga tawo ang ilang kapital gikan sa mga investment schemes nga gibutangan sa ilang salapi.

Matud ni Pagaran, walay negosyo nga kakuhaan og pundo ang mga iskema aron mahatagan og refund ang mga tawo nga mituo sa pasalig sama sa Rigen.

Hangtud walay bag-ong maka pay-out, magpabilin nga patay ang mao nga saad ilabi na nga ang kwarta nga na-pay in sa wala pa gipahunong sa gobyerno ang operasyon nahatag na man sa mga tawo.

Dugang ni Pagaran, bisan og mag-refund pa og aktwal ang Rigen ug ang ubang investment operations, dili gihapon maka-ipsot kun maka-eskapo ang Chief Executive Officer ug mga opisyales niini sa mga kaso nga ipasang-at unya batok kanila gumikan sa kalapasan sa mga pertinenteng balaud.

Base sa balaud, aduna silay daku kaayong tulubagon sa kapakyas nga magbaton og secondary license or permit gikan sa Securities and Exchange Commission (SEC) sanglit nag-engage man sila sa aktwal nga pagbaligya og securities kun panalapi, ikaduha, manubag usab sila sa mga dagkung sala sama sa syndicated or large-scale estafa sanglit gi-alegar man nga adunay tikas kun pagpanglansis ang ilang business viability sa katahap nga kini usaka dayag nga porma sa Ponzi scheme kun pyramiding nga gidili gayud nga matang sa iskema-pinansyal.




RadyoMaN Joel Viray

Facebook Comments