Davao City – Gihatagan og pagtagad sa gihimong annual activity sa DXDC RMN Davao ang importansya sa malipayong kaminyuon.
Sa gipahigayong kulminasyon sa valentine activity matag bulan sa Pebrero nga mao ang Kasama What’s Your Story (KWYS), gipamulong ni Pastor Leo Daugdaug, DXDC station manager ang kabahin sa happy marriage.
Sumala ni Pastor Leo nga ang malipayong kaminyuon usa ka desisyon ug choice nga himuon sa managtiayon ug himuong sentro ang Ginoo sa relasyon aron mabati ang tinuod nga gugma sa matag-usa.
“Marriage is not a box full of happiness, it’s an empty box, you have to decide to fill that box with happiness” sigun ni Pastor Leo.
Human sa mensahe gikan sa DXDC station manager, gisundan kini sa renewing of vows sa upat ka managtiayon diin gihimo dinhi ang blessing of rings, presentation of bibles, wine toasting ug slicing of cakes.
Samtang sa ulahing parte sa maong selebrasyon, malipayon ang upat ka managtiayon nga midawat sa ilang tagsa-tagsa ka mga awards, cash prize, gift packs ug certificates gikan sa DXDC diin gideklarang grand winner sa (KWYS) Year 3 sila Socrates ug Adoracion Labajo diin malipayon ug mapasalamaton ang mag-asawang Labajo tungod gawas sa ilang naduagan, daghan usab ang na-inspire sa ilang storya.
Gani gipanganlang DXDC Special Awardee ang managtiayong Jed ug Denise Badayos samtang nasakmit nila Leonardo ug Violeta Nale ang Most Unique Love Story, ug nakuha ni Alger ug Margaret Go ang Most “Shared” Love Story.
Human sa kulminasyon, atangan usab ang ilang storya nga ma-feature sa Cebuano radio drama nga mao ang “Handumanan sa usa ka Awit”.
Ang Kasama What’s Your Story Year 3 gihimo sa Jade Dragon Suites gisugdan alas 6:30 sa gabii ug nahuman alas 8:30 sa gabii.
Lauman nga sa sunod tuig sa susamang aktibidad, mas daghan pa og atangan ang mga DXDC listeners ug netizens sa nagkalain-laing storya kabahin sa gugma.
RadyoMaN Renz Barbarona
