Kalibo, Aklan – Arestado rong sangka L300 van driver matapos nga ginpaidaeom sa buy-bust operation kaina it aga-aga sa Brgy. New Buswang, Kalibo, Aklan.
Ro suspek nakilaea kay ROWEN MACARIO alyas “WENG WENG MACARIO”, 33-anyos, native it Brgy. Lupo, Altavas ag presente nga naga istar sa New Buswang.
Na recover sa sangka asset nga nag-akto bilang poseur buyer rong sangka medium size it transparent plastic sachet it suspected shabu kabaylo it P 8,000.00 pesos nga marked ag boodle money.
Samtang sa ginpatigayon nga body search sa suspek may nabuoe pa gid nga sangka plastic sachet it suspected shabu ag mga kwarta.
Matapos rong operation insigida nga gindaea si Macario sa syudad it Iloilo para ipaidaeom sa drug test ag laboratory test ro mga items nga narecover.
Magapangatubang man raya it kasong pagbayolar sa Sec. 5, Article II it Republic Act 9165 ukon Comprehensive Dangerous Drug Act of 2002.
