Davao City – Naka angkon og samad sa kamot si Leo Bandayanon Plaza, hamtung ang pangidaron ug residente sa Prk. 3 Barayco Bankerohan gumikan gibunalan siya og dos por dos nga kahoy sa respondent nga si Generoso Miguel, pulos lab-asero og isda sa Bankerohan Public Market.
Mga bandang alas 4:00 lamang karong kadlawon, gibadlong ni Plaza kining respondent nga wala magsuot og uniporme nga usa sa ilang mga pamalaod sa palengke.
Apan inay magpabadlong nasuko hinoon ang respondent ug gibunalan si Plaza og kahoy sa lain-laing parte sa kalawasan rason sa pagkagisi sa walang bahin sa kamot sa pagsagang sa nagtungasi nga kahoy nga gibunal ngadto kaniya.
Nasayran nga aduna nay blotter kabahin sa pagpamadlong ni Plaza kang Miguel nga wala siyay otoridad mamadlong human sila nagkalalis diin kagahapong adlawa unta ipahigayon ang hearing sa barangay apan na-postpone kini.
Sa pagpamadlong kaganiha pag-usab ni Palaza, nasuya na pag-ayo si Miguel rason nga iya kining nabunalan.
Kasamtangang gihatagan na og first aid medical assistance ang samara samtang giposasan na ang respondent nga buot pasakaan og kasong physical injury.
RadyoMaN Paul Canono
