Davao City – I-relieve sa pwesto ang labaw sa Compostela Valley Mobile Force 1st Company kinsa maoy labaw sa napatay nga pulis nga si Police Staff Sergeant Kronish Alvaira Martes sa Aquino Coliseum Gallera Brgy. Aquino, Agdao ning siyudad sa Davao.
Kini sumala pa kang Police Regional Office XI spokesperson P/Major Jason Baria atol sa pakighinabi sa RMN Davao.
Matud ni Baria nga gipaesplekar nila kini subay sa nahitabong insidente.
“Hindi pa po natin ma-confirm kung nag-escort siya, bini-verify pa natin, pinapa-explain pa natin iyong platoon leader niya,” sumala ni Baria.
Segun ni Baria sa inisyal nga imbestigasyon nananghid si Alvaira nga aduna kiniy aktibidad nga tambungan.
Sa mas gipailawmang imbestigasyon sa kapulisan susihon kung nganong naabot kini sa maong sabungan, posibleng nakasabay lamang niini ang lain pang biktima sa pagpamusil ang negosyanteng taga-Surigao City nga si Jul Vincent Manzanares o naidentipika kining pulis sa mga suspek.
Gitin-aw sa tigpamaba nga dili basta-bastang matugutang mag-escort ang mga pulis gawas na lamang kung ilawom kini sa Police Security and Protection Group ug aduna gayuy mando.
RadyoMaN Aimee Guinita
