Davao City – Mireklamo sa San Pedro Police Station ang usa ka construction worker human gikawatan sa duha ka cellphone, 13 kilos nga bugas sulod sa iyang panimalay sa Brgy.1-A Poblacion, ning syudad.
Report gikan sa Presinto Dos, biktima nailang Gilbert Macalisang, 27 anyos, residente sa nahisgutang lugar samtang suspetsado nailang Wendel Lola, 36 anyos, nagpuyo sa Brgy. Aquino, Agdao, Davao City.
Saysay pa sa biktima, samtang natulog sa iyang panimalay ug sa iyang pagmata iya nalang namatikdan nga nahanaw na ang iyang pack bag, hand bag color black, lakip nawala ang 13 kilos nga bugas sulod sa cellophane.
Matud pa pasado alas 3:00 sa kaadlawon nakit-ang naghigda ang suspect sa Rizal Park hinungdang gisikop sa kapulisan.
Tungod niini pursegidong mopasaka’g kaso ang biktima batok sa suspetsado samtang laing kaso atubangon usab tungod sa paglapas sa Executive Order No.20 Enhanced Community Quarantine (ECQ).
RadyoMaN Don Pulayao
