Laborer gipusil-patay

85

Davao City – Patay ang usa ka laborer human pusila sa nagsuot og bonnet nga nagsakay og motorsiklo alas-10:00 ang takna sa kagabhion.

Upat ka samad pinusilan ang mitapos sa kinabuhi ni Joebilito Limutin, hamtong ang edad ug nagpuyo sa Old San Isidro, Buhangin ning siyudad.


Gisuwayan pa og dala sa Southern Philippines Medical Center (SPMC) ang biktima apan gideklara kini nga patay nang nahidangat tungod sa kritikal nga mga igo niini.

Sa imbestigasyon sa Buhangin PNP, samtang naglingkod ang biktima sa gawas sa ilang balay sulod sa compound kalit lang nagpabutho ang armadong suspek gamit ang punto 45 nga pistola ug walay daghang istorya gipusil makapila ka higayon ang biktima.

Paspas misibat ang suspek sakay sa motor human nasiguro na niini nga patay na ang biktima.

Kasamtangang naglusad na karon og mas lalom nga imbestigasyon ang kapulisan aron masayran ang motibo sa krimen ug mailhan ingon man madakpan ang suspetsado.



RadyoMaN Joel Viray

Facebook Comments