General Santos City—Patay ang usa ka Arthuro Robles Ibay, 19 anyos, laborer, lumad nga taga Datal Batong, Malungon, Sarangani provionce ug temporaryong nagpuyo sa Alunan, Barangay Lagao, Gensan human kining gipusil sa wala pa mailhing mga suspetsado alas 7:00 pasado sa may Amao Road, sakop sa Upper Baluan, Purok San Isidro, Barangay Baluan, Gensan.
Subay sa blotter report sa Police Station 3, naalarma ang mga residenti human nakadungog ug sunod-sunod nga buto sa pusil, dihang ilang gisuta, didto na nakit-an ang patayng lawas sa biktima diin ila pang nakit-an ang usa ka tricycle nga palayo sa maong lugar kansa gituohang nakay niini ang responsabli sa krimen.
Nasayran nga adunay samad pinusilan sa nagkandaiyang parti sa lawas ang nasampit kansa maoy hinungdan sa iyang kamatayon.
Narekober sa crime scene ang duha ka empty shell ug usa ka slug sa cal. 45 nga armas.
Sa karon naghimo na ug makuting imbistigasyon ang Police Station 3 aron masayran ang motibo u gang mga suspek sa maong krimen.
Facebook Comments
