Davao City – Patay ang usa ka laborer human gisumbag sa wala mailhing suspetsado alas 11.40 takna sa gabie sa may Prk. 1 Brgy. Poblacion Compostela, Compostela Valley.
Biktima nailhan nga si Lito Sindrenas, hamtong ang pangedaron, dunay kaipon, ug residente sa Prk. 15 Sityo Lubog Brgy. Poblacion Compostela.
Sumala sa report nga nahipos nasayran nga samtang nagpaabot og masakyang motorsiklo sa terminal pauli ngadto sa ilang lugar, usa ka wala mailhing suspetsado ang kalit miduol ug gisumbag gilayon ang biktima tumong sa nawong hinungdan nga nahagba kini.
Daling gidala paingon sa Compostela Valley Provincial Hospital ang biktima apan gideklara nang patay samtang misibat gilayon ang wala mailhing suspetsado palayo sa maong lugar human sa insidente.
Padayon karon nga gi-imbestigahan sa kapolisan ang panghitabo aron mailhan ang maong suspek gani mapasakaan kini og kaso ngadto sa korte.
RadyoMaN Juls Catisay
