Davao City – Patay ang usa ka laborer human gisumbag sa wala mailhing suspetsado alas-11:40 ang takna sa gabie nahitabo sa Prk. 1 Brgy. Poblacion Compostel,A Compostela Valley Province.
Biktima giila sa kapolisan nga si Lito Sindrehas, 34 anyos, ang pangedaron ug residente sa Prk.15 Sitio Lubog Brgy. Poblacion lungsod sa Compostela.
Sumala sa report nga nahipos gikan sa Compostela Police Station, nasayran nga nagpaabot ang biktima og motorsiklo sa usa ka waiting shed kinsa pauli ngadto sa ilaha.
Kalit lang gidoul sa wala mailhing suspek ang biktima ug gisumbag tumong sa apapangig hinungdan nga natumba ug nabunal ang ulo sa semento niini.
Gidali pagdala ngadto sa Compostela Valley Provincial Hospital nga nahimutang sa Montevista ang biktima apan gideklara sa mga mananambal nga dead on arrival.
Sa pagkakaron, padayon pa nga gipangita ang suspek kinsa daling mi-ikyas human sa insidente.
RadyoMaN Juls Catisay
