*San Mateo, Isabela- *Natimbog na ng mga otoridad ang Top 5 Most Wanted Person sa bayan ng San Mateo matapos isilbi ang Warrant of Arrest nito sa Brgy. Salinungan West, San Mateo, Isabela.
Kinilala ang akusado na si Nelson Tugawin, 18 anyos, laborer at residente ng Brgy Salinungan West, San Mateo, Isabela.
Sa nakuhang impormasyon ng RMN Cauayan, matagumpay na naaresto ng mga kasapi ng PNP San Mateo si Tugawin sa bisa ng mandamiento de aresto na ipinalabas ni hukom Ariel M Palce ng RTC Br 40, Second Judicial Region, Cauayan City, Isabela dahil sa kasong Qualified Theft.
May inilaang piyansa ang korte para sa kanyang pansamantalang kalayaan na nagkakahalaga ng P200,000.00.
Dinala na sa San Mateo Police Station ang akusado para sa kaukulang dokumentasyon at disposisyon bago dalhin sa court of origin nito.
