Davao City – Gidunggab ang usa ka laborer alas 3:00 sa kadlawon nahitabo sa Bukidnon Highway syudad sa Davao.
Subay sa blotter sa Calinan PNP, ang biktima naila nga si Aldren Barrera, 24 anyos, nagpuyo sa Purok 12 Domingga Village, Calinan ning siyudad samtang ang suspetsado gi-ilang usa ka Robert Tio, 21 anyos, usa ka construction worker ug residente sa Gravahan Matina ning dakbayan.
Base sa imbestigasyon sa kapulisan sa Calinan, biktima nag-inum niadtong tungora kauban ang usa ka Johny Malanat sa dihang kalit niabot ang suspect gilayon gidunggab ang biktima apil ang iyang kaubanan rason nga nakaangkon og samad-dinungaban sa iyang abaga lakip sa dughan.
Daling gitabang ang biktima ug gidala sa Southern Philippines Medical Center (SPMC) aron matambalan samtang suspetsado nasikop sa kapulisan ug balhug na sa Calinan PNP diin moatubang og kasong frustrated murder.
RadyoMaN Don Pulayao
