Davao City – Patay ang usa ka company checker human natagakan og Taicon bag sa Malagamot Panacan alas-3:50 sa kahaponon gahapong adlawa.
Ang biktima mao si Rogelio Estrella, 43 anyos, minyo, company checker sa PJACC nga taga Doña Pilar, Sasa ning dakbayan.
Sa imbestigasyon ni Roger Rivera sa Sasa PNP, natabunan og pila ka layers sa Taicon bags ang biktima resulta sa iyang kamatayon.
Matod pa, nakit-an na lamang ang bitima sa dihang nagsugod na ang fork cliff operator sa paghakwat sa mga bags.
Dali nakapangayo og panabang si Cayunda sa ilang company nurse ug gisuwayan pa niini og salbad si Estrella pinaagi sa pag-aplikar og CPR apan wala na’y pulso ang biktima.
Ang patay’ng lawas ni Estrella gidala na sa punerarya ug samtang ang kapulisan nangalap na og dugang testimonya ug mga ebidensiya aron ma-istablisar ang tinuod nga hinungdan sa kamatayon sa biktima.
RadyoMaN Joel Viray
