Davao City – Gidala sa pribadong ospital ang usa ka laborer human lubaa sa batan-on samtang nagbaktas sa may El Rio Subdivision ning syudad alas-6:30 sa kagabhion.
Nakatagamtam og samad nilubaan sa likod sa lawas ang biktima nga si Al Razhed Macailing, 23 anyos, ulitawo ug nagpuyo sa nasangpit nga lugar.
Nasuta sa taho nga gikan nagpalit og ilimnong makahubog ang biktima ug mupauli na unta kini agi sa maong lugar.
Kalit mibutho ang wala mailhing suspek ug gibabagan ang giagian sa biktima dayon gidunggab si Macailing.
Human sa hitabo paspas mikagiw palayo ang suspek nga si alyas Migo samtang dali gidala sa SPMC si Macailing aron katambalan ang iyang samad nahiagoman.
Si Dr.Barnuuvo sa Davao Doctors Hospital nagsulti nga anaa sa obserbasyon ang biktima.
Suma ni SPO1 Pasidunggi nga personal nga bangi ang hinungdan sa krimen diin ang suspek padayon pang gipangita sa mga otoridad.
RadyoMaN Joel Viray
