Davao City – Nadakpan sa kapulisan sa Baliok ang usa ka laborer, human nakuha’ag iligal nga droga ug armas sa dihang gisilbi ang search warrant alas 11:43 sa gabii, April 1, 2025 sa Villa Pequeño, Barangay Catalunan Pequeño, Davao City.
Sa report gikan sa Davao City Police Office (DCPO), giila suspect nga si Leopoldo alyas ‘Putot’, 31 anyos, residente sa Purok 2, Villa Pequeño, Catalunan Pequeño, syudad sa Davao.
Narekober sa awtoridad gikan sa posisyon sa suspetsado, ang napulo ka pakete nga gituohan shabu nga mokantidad sa P35,304.00, usa ka unit homemade .38 caliber revolver, duha ka bala ug usa ka color black sling bag.
Kasong kalapasan sa Republic Act 9165 o Comprehensive Dangerous Drugs Act of 2002 ug RA 10591 o Illegal Possession of Firearms and Ammunition ug paglapas sa Gun ban o Omnibus Election Code of the Philippines.
RadyoMaN Don Pulayao
Facebook Comments
