Laborer, sikop sa drug buy bust operation

31

Gisikop sa kapulisan sa El Salvador City ang usa ka laborer human mapalitan og druga mga alas 9:30 karong buntag.
Kini ang gibutyag ni Police Supt. Randy Anito, Chief of Police sa El Salvador City, Misamis Oriental sa interview sa dxCC-RMN.
Matud ni Supt. Anito nga ang suspek mao ang 31 anyos nga si Rodel Enomar taga Zone 3, Tuburan, Poblacion, El Salvador City.
Nakuha gikan kang Enomar ang tulo ka sachet sa gituohang shabu ug 500 pesos nga buy bust money.
Ang imbentaryo sa nakuhang ebidensya gisaksihan ni Barangay Kapitan Edwin Maña.

Facebook Comments

From Advertisers