Gikonsidera ni Sen. Panfilo Lacson si Davao City Mayor Sara Duterte-Carpio nga maoy sunod nga dakung lider sa nasud ug dili lamang sa local scenario.
“Among the known young leaders today, Mayor Sara is a big contender,” segun sa beteranong police official ug senador sa nasud base sa iyang hataas nga kasinatian sa dagan sa pulitika.
Hinoon, gitino ni Lacson nga wala kini nagpasabot nga iyang direktang gi-endosar karon ang kandidatura ni Sara sa usaka national position.
Adunay hugonhugon karon nga si Sara malagmit ituboy sa bag-ong namugnang regional party nga ‘Hugpong ng Pagbabago’ silbing senatorial bet karong 2019 Midterm Elections.
Aduna usay mga huhungihong nga pagpangandam kini alang sa mas daku ug mas halapad nga kumbate-pulitikal karong 2022 National Elections.
Una niini, gikataho usab ang posibleng pag-coalesce kun panaghiusa sa HNP ug sa partidong Lakas ilawom sa liderato ni House Speaker Gloria Macapagal-Arroyo kang kansang kadaugan gituhuang nahimong posible usab uban sa lig-ong suporta sa batan-ong alkalde sa syudad sa Davao.
RadyoMaN June Duterte
