Un alegao notorioso ladron del motor ya sale arestao durante el operacion ya conduci el maga pulis na barrio de Baluno del Lunes por la tarde.
El portavoz del PRO9 si Chief Insp. Helen Galvez ya nombra conel arestao como si Sugala Ahalul, de Cawit.
Con Ahalul ya aresta el maga pulis del B904th Mobile Company del PRO9 cargando el warrant of arrest para conele por el caso del carnapping del Section 2 en ralacion del section 14 del R.A. 6539.
El warrant of arrest ya man issue el huwest del Regional Trial Court branch 16.
Maga pulis ya puede tambien encontra dos paquete de shabu desde con Ahalul.
Si Ahalul reportaomente el cabesapensante del maga ladron de motor aqui na ciudad.
Facebook Comments
