*El maga pulis del Sta. Police Station ta prepara ya el propio caso que el planta contra con un ladron de motor conquien ya cuji na acto ta ruba con el XRM motorsiclo del un persona ta bela na un poneraria na Sta. Maria del Martes aga.*
*Con el ladron de motor ya conose como si Alnur Hashim y Basa, 36, de Simunol, Tawi-Tawi.*
*Na acto ya cuji con Hashim ta rimpuja con el motorsiclo ta dueña si Jeffrey Rañin, quien aquel tiempo ta bela consu pariente na poneraria banda alas 5 del aga.*
*Cuando ya senti si Hashim ya gole con ele, ya abandona este con el motor na uriliando del calsada distancia lang na poneria y ya entabla este para na direccion del Iglesia del Sta. Maria pero ya encircula con este el maga vibientes donde ya resulta na su aresto.*
*Primero ya precura pa imbisti si Hashim usando su icepick hasta con el maga pulis ya precura pa este lancia.*
*Con hashim ya detene na Sta. Maria Police Station mientras ta prepara ya el caso que deve planta conele na corte. *
