Lady of Mercy magabukas sa bag-o nga pangalan kag management bwas nga adlaw

BACOLOD CITY – Natalana na nga magabukas bwas nga adlaw ang Bacolod Queen of Mercy Hospital nga nahamtang sa daan nga lugar sang sadto Bacolod Our Lacy of Mercy Specialty Hospital (BOLMSH) sa Barangay Mandalagan, Bacolod City.

Suno kay Dr. Evangeline Johnson, Consultant kag Spokesperson sang amo nga ospital nga ang Bacolod Queen of Mercy Hospital ang iga-operate sang isa ka bag-o nga kompaniya sa idalum sang Bacolod Queen of Mercy Hospital, Incorporated.

Ginpahayag nga Dr. Johnson nga ang iya anak nga si Lucio Giron amo ang President kag Chief Executive Officer sang Bacolod Queen of Mercy Hospital Inc.


Samtang, sanday Dr. Wilson Tulmo naman nga isa ka Neurologist kag Dr. Jerome Pepingco, isa ka Nephrologist amo ang mangin Medical Director sang amo nga bag-o nga ospital.

Nagapati si Johnson nga makahatag sang daku nga bulig ang amo nga ospital agud nga mahagan hagan ang pag-ginutok sang pasyente bangud nga sang ginsira sang nagligad nga tuig ang BOLMSH, nangin tuman ka crowded ang mga ospital sa Bacolod.

Nahibaluan nga ang bag-o nga Bacolod Queen of Mercy Hospital ang may yara sang 120-bed capacity nga sarang maka-accommodate sang pasyente./ Jade Flores photo

Facebook Comments