Davao City – Malaumon ang usa ka kanhi Commission on Election commissioner nga madayon ang barangay ug SK elections karong Mayo 2018.
Sa interbyu kang former COMELEC commissioner Augusto ‘Gus’ Lagman sa programang ‘Straight to the Point’, gibutyag niini nga mamahimong mahinungdanon ang hatud nga resulta kun mahinayon ang eleksyon.
Gipasabot ni Lagman nga aduna siyay seryosong kabalaka sa SK election sanglit daw gihimo lamang kining pamaagi sa korapsyon sa kabatan-onan karon.
“Well, ako I feel na marami naman klaseng training na gawin ang kabataan in other venues kasi ang natutunan eh (sa SK) kurapsyon, parang di masyadong importante ‘yun,” segun sa kanhing commissioner.
Apan alang kang Sasa Barangay Captain Juanito ‘Toto’ Flores, dili siya mosugot nga dili mahinayon ang eleksyon sanglit hustong pamaagi kini aron mahatagan ug oportunidad ang mga kabatan-onan nga gusto manerbisyo sa ginsakop nga katawhan.
RadyoMaN Jason Amisola
