Lagman: No election scenario negatibo

23

Davao City – Gikontra sa kanhi Commissioner sa Commission On Elections (COMELEC) ang laraw karon sa pipila ka mga magbabalaud sa Kongreso nga i-uktaba ang nasudnon ug lokal nga piniliay karong 2022.

Giingon ni kanhi Commissioner Gus Lagman nga walay rason aron dili ihinayon ang eleksyon sa umaabot nga 2022 sanglit anaa sa balaud nga matag tulo ka tuig ang nasud kinahanglan makahimo og piniliay.

Dili rason ang corona virus disease 2019 aron mapalaw ang katawhang Pilipino sa pagboto sa maong tuig gawas lang kon makapanday og balaud ang kongreso nga mag-uktaba sa eleksyon sa 2022.

“There is no reason to postpone (2022 elections). Nasa constitution yon eh…
Pangalawa, pwede naman tayo mag-election kahit na may COVID. There might be other solution huwag yong postponement,” segun ni Lagman.

Kung ang ubang nasud sama sa Sri Langka, Singapore, ug South Korea nakalusad og eleksyon bisan og dunay COVID, wala po’y bug-at nga rason aron dili kini mahimo sa Pilipinas matud ni Lagman.

Igo na lang mikatawa ang kanhi opisyal sa rason nga tungod sa COVID-19 maong i-postpone ang eleksyon apan ang tinuod mao nga buot lang sa presenting mga opisyal nga malugway ang ilang termino.

Wala maghunahuna og solusyon ang mga anaa sa likod sa postponement sa 2022 election luyo sa health protocols nga pwede i-imposar sa mga polling precincts sa adlaw unya sa piniliay.




Aminado si Lagman nga prayoridad ang survival apan gipamugos niini nga mamahimo gihapon malusad ang eleksyon nga maka-survive sa covid-19 ang tanan hilabi na kon tumanon lang ang health protocols.

Busa sugyot ni Lagman sa mga magbabalaud nga nagduso sa postponement nga magpanday nalang og balaud aron dunay igong legal nga basehan sa pag-uktaba sa piniliay sa nasud sa tuig 2022.

RadyoMaN Joel Viray

Facebook Comments