Lagnada gidasig tiwason ang nahabiling termino isip Mayor

503

Miani ug pagdayig ang kagamhanang lokal sa dakbayan sa Butuan sa pagkalakip niini isip usa sa top 50 cities sa nagpadayun nga Bloomberg Philanthropies 2021 Mayor’s Challenge.
Usa sa mihatag ug pagdayig ang mismong Presidente sa Employers Confederation of the Philippines o ECOP nga si Sergio Ortiz Luiz, Jr.
Si Mr. Luiz aktibo nga nagalihok isip anaa sa private sector nga nagadevelop ug mga long term strategies for National Competetiveness sa Pilipinas.
Sa Exclusive interview sa RMN DXBC Butuan, namahayag si Ortiz-Luiz Jr. nga ang pagkalakip sa Butuan sa top 50 usa kini ka kalampusan sa syudad, kinsa nagapakita sa maayung mga proyekto ug konsepto ilabina sa natad sa agrikultura.
Ang project design sa Butuan, nakasentro sa food and nutrition insecurity pinaagi sa Agribusiness Model Innovation nga gitawag nga Inclusive Agricultural Development and Acceleration Project o I-ADAPT nga magmugna sa catalytic mechanism kauban sa agribusiness value chain ecosystem nga maghatag ug demand forecasts ug magmugna sa price prediction models nga maglink sa farmers planning production.
Apan namahayag si Luiz nga program concept ug design pa lamang kini ug kinahanglan pa kini plansahon ug ayo arun mapatuman ug sa kadugayan aduna nay impact sa kinabuhi sa katawhan sa Butuan.
Mahimong magmalampuson lamang ang programa kung adunay consistency sa liderato sa Butuan.
Sa pangutana nga unsa ang impact sa programa kung dili na mudagan balik isip Mayor si Mayor Lagnada, si Luiz namahayag nga dili siya familiar sa pulitika sa Butuan apan dapat lang humanon sa Mayor iyang isa pa ka termimo arun sumala pa adunay sakto nga focus ang programa nga nasugdan.
Mao usab kini ang susamang punto sa mga netizen nga dapat humanon ni Mayor RCL ang usa pa niya ka term isip Mayor ug dili kini ihatag sa lain nga mamunuan sa siudad.
Una na nga migawas ang impormasyun nga dili na tiwason sa mayor ang iyang isa pa ka termino ug si Congressman Law Fortun ang padaganon.
Kahibaloan nga napili ang dakbayan sa Butuan isip champion city sa 2021 Global Mayor’s Challenge sa Bloomberg Philantrophies sa kapin 600 ka mga entries, diin duha lamang ang napili sa Pilipinas ang siudad sa Manila ug Butuan.

Facebook Comments