Usa ka lalaki ang dead on the spot tungod sa pagpamusil sa wala pa nailhing suspetsado sa didto Lapu Lapu City. Nahitabo ang insidente karong buntaga gawas sa may Gaisano Mactan nga nahimutang sa may ML Quezon Highway. Suma pa sa mga witness sa insidente, nag-uban ang managtiayon samtang nagsakay sa motor sa dihang gipusil ang lalaki o ang bana sa maong babaye nga ga-backride sa biktima.
Nagpasad ang dugo daplin sa dalan gumikan sa pinusilan sa biktima sa ulong bahin niini. Makita pud sa fb post sa usa ka Clarise Candaza Rosaceña nga pwerteng hilak sa asawa sa biktima ug gakus niini sa iyang bana nga wala nay kinabuhi.
Sa kadaghan napud og insidente sa pagpamusil ug pagpangrakrak atol sa eleksyon nakakomento ang mga netizens nga posible kunong away ni sa politika o posible pud sa druga. Apan puro rani speculations sa mga netizens. Mas maayong magpaabot ta sa imbistigasyon sa owtoridad. Condolence sa pamilya sa biktima.
