Laing 4 ka local cases sa COVID-19, natala sa Malaybalay

27

Nadugang pa sa 4 ang local cases sa COVID-19 sa siyudad sa Malaybalay.

Sa interview sa RMN Malaybalay ngadto kang Nene Belisario, ang spokesperson sa IATF- Malaybalay gibutyag niini nga nga niadtong Setyembre 5 natala ang 3 ka local cases, mao kini ang confirmed case number 37, 38 ug 39.

Duha niini anak sa local case number 35 o kadtong negosyante ug mani samtang ang usa ilang katabang.

Pulos kini mga asymptomatic ug karon anaa na sa NMWRC.

Samtang gipailawom na usab sa localized lockdown ang duha ka block nga duol sa ilang balay sa Purok 7 (Gawad Kalinga) sa Brgy. 9, Malaybalay.

Samtang kagahapon (September 6), natala usab ang confirmed case number 40, kini usa ka babaye nga girlfriend sa case number 37.

Sa wala pa nigawas ang iyang test result, siya ug ang iyang mga ginikanan ug igsoon gipabilin sa total isolation sa ilang pinuy-anan diha sa Greenfields, Casisang.




Kagahapon human nigawas ang resulta, gikuha dayon kini sa ilang pinuy-anan ug gidala sa NMWRC.

Ang case no.40 apil sa na-contact trace sa case number 35.

Nasayran nga 33 ang kinatibuk-ang na-contact trace sa case no. 35 o kadtong pinaka—unang natala nga local transmission.

Ug padayon karon ang contact tracing sa mga 4 ka bag-ong natala nga local cases.

Mahinumduman nga gi-kumpirma sa Inter-Agency Task Force kon IATF – Malaybalay niaging semana ang pinaka-unang kaso sa local transmission nga mao ang ika-case number 35, usa kini ka 41 anyos nga babaye nga taga Brgy. 9 kinsa adunay stall sa merkado publiko nga negosyante ug mani.

Facebook Comments